Web Development

11/03/2021
746
Web Development

إيه مجال الـ Web Development؟ وازاي يبقى بداية شغل ليك؟

كلنا بنقضي أغلب وقتنا على الإنترنت لكن عمرك فكرت المواقع دي اتعملت ازاي؟ إجابة السؤال دا موجودة في مجال كامل اسمه الـ Web Development.

 

تعالوا الأول نعرف إيه هو الـ Web Development؟ 

الـ web development باختصار هو بناء المواقع من الصفر، وتطويرها بطريقة تخلي تجربة المستخدم ليها أحسن من حيث الشكل وسرعة الموقع واعتمادها على مختلف المنصات اللى ممكن تشتغل عليها.

 

وفي المجال دا بيتم استخدام عدد كبير من لغات البرمجة المختلفة لكن باختلاف الموقع والمنصات اللى ممكن تشتغل عليها وينقسم المجال إلى جزئين رئيسيين وهما ال Front-end وممكن نسميه البرمجة من جهة العميل (client side scripting)، وال Back-end وممكن نسميه البرمجة من جهة الخادم (server side scripting).

 

 

الفرق بين الـ Front-end و الـ Back-end: 

الـFront-end: هو أي حاجة بيشوفها المستخدم عن طريق المتصفح ويتعامل معاها من ألوان وأزرار وصور وغيرها.

 

الـBack-end: هو الجزء اللي بيدور وراء كواليس الموقع من غير ما المستخدم يشوفه وده بيكون مسؤول عن استقبال وإرسال وتخزين وتنظيم البيانات الخاصة بالموقع.

 

 

ليه تتعلم مجال الـ Web Development؟ 

مجال الـ web development من أكتر المجالات المنتشرة حاليًا في سوق العمل خاصًة في زمن covid-19 وتحول العالم للاتجاه الرقمي، ودا من أهم الأسباب اللي خلت الطلب عليه يزيد أكتر.

 

ورغم أن الطلب عليه كبير إلا أنه في نفس الوقت واحد من أسهل مجالات البرمجة في التعلم بسبب انتشار مصادر تعلمها Online وسهولة اللغات التي يتطلبها حيث يعتمد أكتر على مهارة الأشخاص وللأسباب دي مجال الـ web development بقى ليه شهرة كبيرة جدًا بين الناس اللي بتفكر في العمل الحر والإستقلال المالي عن طريق الإنترنت. 

 

خطوات تعلم مجال الـ Web Development:

 

1- أول خطوة هي إنك تبدأ تتعلم لغات البرمجة المتخصصة بالجزء اللي أنت مهتم بيه زي لغات  جزء ال front-end:

 

  • HTML:  هي لغة  ترميز (HyperText Markup Language) وتتميز بالسهولة ولكن تعتبر أهم وأقدم اللغات اللي بيتم بيها إنشاء المواقع، وهي اللغة المسؤولة عن مساعدة المتصفح في إنه يفهم هيكل ومحتوى الموقع. 
  • CSS: هي اللغة المكملة  للـ "HTML" وهي اللغة المسؤولة عن الشكل الجمالي للموقع وطريقة عرضه من ألوان وخطوط وتنسيق وغيره.
  •  Javascript: وهي اللغة المسؤولة عن التأثيرات والتفاعل مع المستخدم، واللغة دي مش بتستخدم كتير في مجالات البرمجة بجانب الـ web development.

 

بعد تعلم اللغات الى فاتت من المفيد جدًا أنك تتعلم بعض المكتبات المشهورة فيهم الى هتساعدك في اختصار كتير من التعب والوقت ومن أشهرهم: Bootstrap: وهي مكتبة بتساعدك في عدد من المهام من أهمها المحافظة على تجاوب الموقع باختلاف المنصات اللي بيتم التصفح عليها، و jQuery وهي مكتبة خاصة بالـ Javascript.

 

أما في جزء الـ back-end:

  • من المهم اختيار لغة واحدة أساسية تعتمد عليها وتتقنها من لغات كتير زي PHP و Python و ASP.Net وغيرهم كتير من اللغات. 
  • تعلم التعامل مع أنظمة قواعد البيانات المختلفة الى منها: MySQL و SQlite و SQL server والى بيعتبر أشهرهم وأكثرهم استخدامًا هو MySQL.

 

2- التطبيق العملي وكتابة الأكواد باستمرار هو سر النجاح والتطور في المجال وخاصًة مع تعدد لغات البرمجة اللي هتحتاج تتعلمها.

 

3- حاول تتعرف على ناس مهتمين بنفس مجالك أو تشارك في أحد منصات المطورين من كل أنحاء العالم وده هيساعدك  في حل المشاكل اللي هتواجهك وتجديد شغفك.

 

وبما إن أهم سمة لعصرنا هي الإنترنت فلازم نهتم بال web development ، والى مش بس خلى حياتنا أسهل لكن كمان ساعد في خلق فرص عمل جديدة وسهلة للي عنده الدافع أنه يطور نفسه ويتعلم حاجة جديدة، وقدرنا نعرف مع بعض ازاي تقدر تتعلم ال web development من خلال خطوات بسيطة.

 

استنونا الأسبوع الجاي في بلوج جديد، وما تنسوش تكتبوا استفدتوا ايه من البلوج دي وحابين البلوج الجاي يكون عن إيه؟ 

التعليقات:

cancel reply