إعلان ايفنت Tech-Elixir 2.0

10/12/2021
900
إعلان ايفنت Tech-Elixir 2.0

"The key is in not spending time, but in investing it"

  أثناء رحلتنا في الدراسة الجامعية ومع مرور الوقت بنبدأ نسمع عن مجالات تقنية وغير تقنية كتيرة ومختلفة بتفرض نفسها على الساحة، وبيزيد عليها الطلب في سوق العمل. وبيكون نفسنا نجرب معظم المجالات دي عشان نقدر نحدد هنتجه لأي منها عشان يكون الـ"Career" بتاعنا في المستقبل.

لكن بيقف قدامنا بعض التساؤلات:

  • أنا هحتاج فترة قد إيه عشان أتعرّف على كل مجال؟
  • أنا ازاي هطبق علي كل مجال؟
  • إيه فايدة المجال ده في سوق العمل الفعلي؟

وزي ما نكون محتاجين حد يجيلنا من المستقبل عن طريق "Time Machine" ويعطينا إكسير المجال، اللي هيجيب لنا الخلاصة ويجاوب على كل أسئلتنا.

عشان كدا "IEEE Mansoura Student Branch" بتقدم لنا "Tech-Elixir"، وهو "Event" بيهدف لمساعدتنا على الاختيار والبدء في الـ"Career" الخاص بينا.

واللي أُطلقت النسخة الأولى منه سنة 2019، واللي تميّزت بعدد من المواضيع الشيقة والمتنوعة زي Cyber Security, Embedded Systems, Building Information Modeling (BIM), Artificial limbs, Business modeling. 

وكان بداية مميزة لـ"Event" بيهدف بشكل أساسي لإفادة مجتمعنا من الطلاب.

 

 

 

دلوقتي رجع لنا "Tech-Elixir" في نسخته التانية، ومعاه الـ"Time Machine" اللي احنا محتاجينها، واللي هتاخدنا في رحلة زمنية على مدار 3 أيام، هنلاقي فيها:

  • مجموعة مُختارة بعناية من الـ"Instructors" المتميزين في مجالاتهم، واللي هيجوا لنا من المستقبل عشان ينقلوا لنا من خبراتهم ويعرفونا على المعلومات والتجارب الفعلية اللي هنواجهها في سوق العمل، ويقولوا لنا طريقنا هيكون شكله إيه لو اختارنا نمشي في مجالاتهم.
  • عدد من الـ"Workshops" عشان منكتفيش بالسماع ونطبق بنفسنا على اللي هنتعمله، بالتالي نطلع باستفادة أكبر وفهم أعمق لمجالات مختلفة ومتعددة: منها مجالات تقنية شائعة في سوق العمل، ومجالات غير تقنية معرفتها مهمة عشان نكون مميزين ونكمّل نفسنا في كل الجوانب.
  •  زي أي رحلة، بنحتاج فيها وقت للاستراحة، هيتخلل رحلتنا الزمنية الـ"Coffee Break". 
  • "Meetup" في نهاية كل "Workshop"، عشان لو تبقى عندنا أي أسئلة أو مناقشة نحب نوجهها للـ"Instructor" قبل ما يسيبنا.

وبكدا يكون "Tech Elixir 2.0" تجربة فريدة ومميزة، وفرت لنا الفرص للإجابة عن أسئلتنا، وكشفت لنا الطريق، وساعدتنا على الدخول والبدء في الـ"Career" بتاعنا، ومعرفة سوق العمل وأهم الحاجات اللي هنواجهها في المستقبل.

هنستناك في مركز الإبداع والتقنية "Creativa" بدايةً من يوم 18 ديسمبر ولمدة ثلاث أيام متتالية.

تقدر تتابع كافة التفاصيل من خلال Facebook Event.


مستني ايه؟
العدد محدود (25 فرد لكل "Workshop" فقط)، إلحق احجز مكانك من هنا. 

التعليقات:

cancel reply